Потребни состојки:
1 пакување готови кори за пита
300 г сирење
200 г ситно исечкан спанаќ
2 јајца
сол по вкус
вода и масло за премачкување
малку кисело млеко
Начин на подготовка:
- Во сад измешајте ги сирењето, спанаќот, јајцата, солта и малку кисело млеко. Смесата треба да биде доволно густа за да не се истура кога ќе ја мачкате на корите.
- На работната површина раширете една кора и премачкајте ја со мешавина од вода и масло. Преклопете ја на половина по должина, повторно премачкајте и преклопете по должина да добиете еден долг правоаголник. Потоа премачкајте го од двете страни.
- Нанесете од смесата со сирење и спанаќ по целата должина на кората во тенок слој и посипете со мешавината од вода и масло. Свиткајте ја така што ќе го земете левиот крај на кората, ќе го превиткате со цик-цак движење, потоа истото на десно и така додека не стигнете до крајот на кората. Целта е да се добие форма на триаголник. Повторете ја постапката со сите кори сè додека имате од смесата со сирење и спанаќ.
- Триаголниците распоредете ги на плех обложен со хартија за печење. Премачкајте ги со зејтин или стопен путер и печете ги 30-40 минути на 180 степени Целзиусови.
На здравје!
