Автомобилизам

Треба ли да се загрее моторот на автомобилот пред тргнување?

Секој искусен возач знае дека во зима е правило моторот прво да се загрее неколку минути пред тргнување. Некои го оспоруваат ова тврдејќи дека е заоставштина од времето кога се возеле стари автомобили, а некои и понатаму седат десет минути во автомобилот кој работи во лер на паркинг. Кој е во право?

Главни аргументи на оние кои тврдат дека загревањето на автомобилот е излишно – е дека со тоа непотребно се троши гориво, се зголемува загадувањето (една студија од 2009 година покажала дека работењето на автомобилот во лер произведува 1,6% од вкупните емисии на гасови кои се одговорни за глобалното затоплување) и дека на автомобилите со директно вбризгување не им треба загревање за да функционираат нормално. Ова е и вистина – многубројните компјутери вградени во автомобилот можат да управуваат со ладниот мотор многу подобро, така што може да се каже дека единствениот резултат од работењето на автомобилот во лер е што ќе го претвори горивото во издувни гасови.

Од друга страна пак, ова е само дел од она што се случува во незагреаниот мотор кога е ладно. На ниски температури маслото се згуснува и тече кон најнискиот дел – картерот. На тој начин, маслото не само што е далеку од механичките делови кои треба да ги подмачка туку и патот до нив му е отежнат, бидејќи пумпата треба да го достави маслото со драстично зголемена густина заради ниската температура. Може да се каже дека кога не е загреан, во првите неколку минути моторот работи без подмачкување. Недоволното подмачкување е главната причина за абење на подвижните делови на моторот.

Од сето наведено, може да се заклучи дека е помудро да се загрее автомобилот неколку минути пред возењето, посебно во зима. На овој начин течностите ќе поминат низ моторот и ќе ги подмачкаат сите делови на кои тоа им е потребно. Се разбира, треба да се избегнува нагло забрзување и возење при висок вртеж. На тој начин моторот најбезболно ќе постигне работна температура.

Слични написи

Мазда останува фокусирана на развојот на моторите со внатрешно согорување

Biba

Новиот Volkswagen Transporter 6.1 дебитира на најголемиот светски саем за градежни машини и апарати

Biba

Новиот Golf R RLMS од тјунинг компанијата APR

admin

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.