Според пишувањето на магазинот Rolling Stone, ќе се снима документарец за легендарниот поп музичар Принс, кој ќе биде достапен само за публиката на Нетфликс. Одговорна за проектот е Ава ДуВернеј, со дозвола на семејството на музичарот.
Како што е наведено, семејството на Принс ќе ги обезбеди архивските снимки, интервјуата, фотографиите и сите потребни материјали за снимањето на документарецот кој ќе биде објавен во повеќе продолженија.
Неодамна, исто така, постхумно беше објавен и неговиот албумот Piano and a Microphone 1983, кој се појави во продажба на ЦД, плочи и во онлајн формат.
Интересно е да се каже дека семејството на Принс на американскиот претседател Доналд Трамп му го одобри користењето на неговиот најголем хит Puple Rain, песна која се смета за една од најголемите балади во историјата на модерната музика.
Принс Роџер Нелсон почина на 21 април 2016 година како последица на случајно предозирање со лекови.