Потребни состојки:
10 ленти сланина
1 главица брокула, разделена на цветчиња
1 главица црвен кромид, исечкан крупно
3 лажици вински оцет
2 лажици шеќер
1 чаша мајонез
100 г сончоглед
Начин на подготовка:
- Сланината испржете ја, оставете ја да се исцеди од вишокот масло и потоа исечкајте ја.
- Брокулата обарете ја кратко, не подолго од 5 минути и исцедете ја од водата.
- Во мал сад направете прелив од оцетот, шеќерот и мајонезот, така што ќе ги измешате убаво заедно.
- Во поголем сад ставете ги брокулата и кромидот. Одозгора прелијте ги со преливот и измешајте. Затворете го садот со капак или со фолија и ставете го во фрижидер најмалку два часа.
- Пред послужување во салатата додајте ги сланината и сончогледот и измешајте.
На здравје!
