Потребни состојки:
11 парчиња леб
2 чаши млеко (по потреба и повеќе)
4 јајца
300 г сирење
масло
Начин на подготвување:
- Сипете го млекото во длабока чинија. Секое парче леб потопете го од двете страни во млекото и ставете го во тепсија на која претходно сте ставиле хартија за печење премачкана одозгора со масло (за да не се залепат лепчињата).
- Сирењето испасирајте го, јајцата изматете ги со виљушка и измешајте ги со сирењето. Врз секое лепче со лажица ставајте од оваа смеса и размачкајте ја по целата површина на лепчето.
- Откако ќе ги подготвите на истиот начин сите лепчиња, испрскајте ги одозгора со масло и печете ги на 200 степени Целзиусови додека да добијат златнокафеава боја. Сервирајте ги топли со јогурт, павлака или кисело млеко.
На здравје!
