Аукциите се место каде секогаш се случуваат интересни и несекојдневни работи.
Аукција во Дербишир на која е понуден нацистички орден, сопственост на еден од најлојалните луѓе на Адолф Хитлер, Улрих Граф, е продаден за сума од 45 000 долари.
Граф, чие семејство било принудено да го продаде орденот во педесеттите години од минатиот век, бил еден од најлојалните луѓе на Хитлер. Тој бил човекот кој во времето на неуспешниот државен удар во 1923 година, за да го заштити Хитлер, застанал пред него и примил пет куршуми.
Продавач на орденот на аукцијата во Дербишир е британски доктор кој имал огромна колекција на нацистички ордени.
Продажбата на овој медал е своевиден рекорд на постигната цена за вакви предмети.
