Забава

Направете детска изложба во својот двор

Кога се работи за деца, цртањето и сликањето може да претставува голема забава. Притоа, ликовното изразување кај децата може да биде најдобар начин да ја поттикнете имагинацијата и креативноста уште од мали нозе. Децата сакаат да оставаат трагови со боја, било да е со креда на асфалтот, со темперни бои на хартија или дрвени боици во боенките. Секогаш треба да ги охрабруваме да цртаат, сликаат, дизајнираат, а со тоа се развива креативноста, се зголемува концентрацијата и им се буди способноста за размислување и снаоѓање.

Освен тоа, децата на тој начин го откриваат светот околу себе, стекнуваат пријателства, и сето тоа ќе им биде од голема корист во понатамошниот живот.

Нека цртаат на улица, со креда, нека играат школка. За да ја играат треба да ја нацртаат формата, полињата и пак доаѓаме до делот дека треба да се снајдат, да најдат начин сето тоа да го направат. Ќе се натпреваруваат кој ќе ја нацрта подобро, и кој потоа ќе победи во играта.

Натерајте ги да цртаат на отворено со бои, на листови, а потоа нивните цртежи изложете ги, закачете ги со штипки за алишта и направете изложба на отворено.

Има милион начини за да се разбуди креативноста, трудот, натпреварувачкиот дух кај децата.

Вие само треба да имате волја тоа да го направите и да им го овозможите.

Слични написи

Дали знаете зошто газираните пијалаци брзо испаруваат по отворањето?

dart

Најпознати филмски адаптации на книги од Стивен Кинг

Biba

Мерилин Монро синдром

dart

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.