Мусака со зеленчук и панцета

 

Потребни состојки:

1 помала главица кромид

2 тиквички

4 компири

3 пиперки

2 раце насечкана панцета

2 јајца

малку блитва или спанаќ

павлака за готвење

малку млеко и сирење

сол и зачини по желба

Начин на подготовка:

  1. Панцетата кратко пропржете ја во тава, а компирите сварете ги.
  2. Главицата кромид ситно насечкана наредете ја на дното на садот за печење кој претходно сте го премачкале со малку масло.
  3. Врз кромидот наредете тркалца од 2 компира, па врз него насецкана тиквичка.
  4. Преку тиквичката ставете блитва или спанаќ, потоа панцета, па пиперки.
  5. Следува повторно ред тиквичка, па врз неа преостанатите 2 компира. Додека ги редите состојките зачинувајте и посолувајте по желба.
  6. На последниот слој компири додајте малку сирење, па прелијте со половина чаша вода.
  7. Јајцата изматете ги со павлаката за готвење, сол и малку млеко, и прелијте преку целата содржина во садот.
  8. Печете во претходно загреана рерна на 180 степени или додека не добие убава златножолта боја.

На здравје!

 

Забрането е копирање на текстот!