Докторите ги предупредуваат трудниците за опасностите од болестите на непцето, откако почина новороденче заради лошата орална хигиена на неговата мајка.
Ова е прв случај во кој орална бактерија е одговорна за смртта на бебе кое е речиси целосно развиено. Студијата која ја објавило списанието “Педијатрија и гинекологија”, го открива случајот на една 35-годишна жена која имала обичен гингивитис. Но, бактеријата била пронајдена во крвотокот, белите дробови и во стомакот на бебето.
Научниците сметаат дека какво било нарушување на амнионската течност (која го опкружува нероденото бебе во постелката), може да му нанесе ризик и на плодот и на мајката, поради што инфекцијата на непцето е сериозна закана.
По превентивниот третман, мајката на мртвороденчето во својата втора бременост родила здраво дете.
Доктор Најџел Картер од Британското здружение на стоматолози, објаснува: “Овој случај докажува дека недоволната орална хигиена кај трудните жени може да има значајно влијание врз нероденото дете. Ако сте трудница, навистина е важно да водите грижа за здравјето и хигиената на вашето непце и на устата”.