Убавина

Кремите за лице со заштитен фактор го ублажуваат стареењето на кожата

Секој ден во текот на целата година, на кожата ѝ е потребна заштита од штетните сончеви зраци. Оваа заштита е особено важна за време на летото.

УВА и УВБ зраците поминуваат и низ облаците и стигнуваат до кожата дури и кога надвор воопшто не се гледа сонцето. На лицето и другите откриени делови од телото за време на сите четири сезони, а посебно за време на пролетта и летото, им треба заштита од сонцето во форма на квалитетна крема со заштитен фактор.

УВБ зраците ја оштетуваат ДНК-та, заслужни се за потемнетиот тен бидејќи го поттикнуваат излачувањето на меланин, но предизвикуваат и изгореници на кожата и создавање на слободни радикали, односно, предизвикуваат оксидативен стрес.

УВА зраците продираат подлабоко во кожата од УВБ зраците, и во допир со клетките предизвикуваат, исто така, оксидативен стрес и водат кон предвремено стареење на кожата.

УВА зраците се постојани во текот на целиот ден, додека УВБ зраците се најсилни во пладневните и попладневните часови, кога сонцето најсилно грее.

За да остане здрава, сјајна и без брчки, важно е кожата правилно да се негува, а правилната нега подразбира и користење на креми со заштитен фактор во текот на целата година. Се разбира, за време на зимата не мора да се користи фактор 50, во тој период доволен е СПФ 15 или 20, освен ако не одите на скијање. Кога сте на снег треба да користите повисок заштитен фактор, исто како кога за време на летото одите на плажа.

Можеби ќе ве интересира

Како да ја заштитите кожата на лицето од сината светлина што ја емитираат дигиталните уреди

Biba

Тајните на добрата маскара

Biba

Како да ги избегнете црвенилото, поткожните влакна и крвавењето, кога ја бричите бикини зоната

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.