Зимата се наближува, а со тоа и периодот на грип и настинки.
Замислете вакво сценарио: со денови лежите во кревет болни од грип и во еден момент чувствувате малку енергија и желба за секс.
Смеете ли да си ја задоволите таа желба?
Лекарите велат дека треба да се внимава на пренесувањето на грипот. Тој се пренесува преку капки и течности, значи со кивање, кашлање, дишење, ракување и секако со бакнување. Вирусот во течностите живее 24 часа на површини како маса, додека на чаршавите преживува час до два, а на рацете 15 до 30 минути.
Ако лекарите имаат правило дека треба да се оддалечиме од болен од грип на два метри, а сексот е практикување на блискост и директен контакт, и веројатноста дека ќе имате секс без вашиот грипосан партнер да ви кивне или без да се закашла е многу мала, тогаш јасно е дека е препорачливо да се избегнува сексот во тој период.
Крајниот совет во овој случај е дека во период кога еден од партнерите е болен од грип дефинитивно треба да се апстинира од сексуални активности.