Здравје

Климатските промени ја продолжуваат сезоната на алергии и ја зголемуваат концентрацијата на полен

Климатските промени придонесуваат за почеток на сезонски алергии еден месец порано, покажа новата студија. Утврдено е дека повисоките температури ја продолжуваат сезоната на алергии на полен и ја зголемуваат неговата концентрација.

Забележано е дека сезоната на алергии започнува 20 дена порано и дека концентрацијата на полен е поголема за 21 процент. Истражувањето го спроведе Вилијам Андерег од биолошкиот факултет на Универзитетот во Јута. Тој заклучи дека е многу јасно дека климатските промени влијаат на здравјето на луѓето низ САД.

Тој посочи дека во студијата биле вклучени помал број на луѓе кои дале слични одговори, и врз основа на што ја следеле врската помеѓу зголемувањето на концентрацијата на полен низ САД и зголемувањето на температурите.

Истражувањата покажаа влијанието на алергените врз респираторните органи, што е уште позначајно како резултат на пандемијата на коронавирусите. Студијата истакна дека алергиите резултираат во почести посети во болница и посиромашни резултати во училиште.

Истражувањето е исто така важно за оние кои сè уште не се алергични. Имено, експертот за алергии Леонард Биелори предупреди дека подолгото изложување на алергени значи поголема веројатност дека некој ќе стане алергичен.

Ова не е само проблем во САД. Европската академија за алергии и клиничка имунологија претпоставува дека половина од жителите на Стариот континент ќе имаат некоја хронична форма на алергија до 2025 година.

Британскиот весник Гардијан ги рангираше Токио, Мелбурн и Лондон меѓу светските жаришта на алергии.

Пред десет години, американската фондација за астма и алергија исто така предупреди на горенаведеното. Но, тие проценија дека сезоната на алергии ќе започне до 27 дена порано, пренесува Еуроњуз.

Можеби ќе ве интересира

Прашања и одговори во врска со зајакнување на имунитетот во текот на зимата

Biba

Калорични продукти кои треба да ги избегнувате ако сакате да имате рамен стомак

Biba

Колку е безбедно да се изеде храна што паднала на под

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.