Технологија

Кинеската лунарна сонда Chang’e 4 слета на Месечината и ја испрати првата фотографија

Како што јавуваат кинеските државни медиуми, кинеското вселенско летало Chang’e 4 успешно слета на далечната страна на Месечината. Станува збор за првата ваква мисија во историјата и заради тоа претставува огромен чекор во истражувањето на вселената.

Кинеската национална вселенска агенција (CNSA) на 7 декември минатата година го лансираше Chang’e 4 роверот со ракета Long March-4C од лансирниот комплекс Xichang во југозападна Кина.

Роверот го допре јужниот пол на Месечината во 2 часот и 26 минути по Гринич, а веднаш по слетувањето сe објавени и првите фотографии од слетувањето и потоа. Целта на оваа мисија е детално мерење на теренот и истражување на минералниот состав на Месечината. На таканаречената темна страна на Месечината се наоѓаат неспоредливо повеќе кратери, а научниците сè уште не можат да сфатат зашто е тоа така и се надеваат дека Chang’e 4 може да даде одговор на тоа прашање.

Инаку, темната страна на Месечината всушност не е темна, осветлена е исто како и страната која ја гледаме од Земјата, но се нарекува темна затоа што тој дел од Месечината е секогаш завртен спротивно од нашата планета.

Related posts

SpaceX го тестираше топлотниот штит за своето летало Starship

admin

Најлошите лозинки за 2018 година

Biba

Десет корисни кратенки на тастатурата за корисниците на Windows 10

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.