Според некои истражувања, луѓето кои имаат домашни миленици се различни по карактер. Општо е прифатено мислењето дека сопствениците на кучиња се поопуштени и поотворени, а сопствениците на мачки се сосема различни, бидејќи овие животни се сметаат за ладни и пресметани. Но, која е вистината?
- Сопственици на кучиња. Луѓето кои чуваат кучиња се сметаат за поконзервативни од оние кои имаат мачки, но од друга страна пак, тие се поекстровертни. Поотворени се и преферираат да го искористат денот практично, наместо да филозофираат за ситници и да плачат по истуреното млеко. Сопствениците на кучиња почесто ги прифаќаат новите технологии отколку другите сопственици на домашни миленици. Тие се самоуверени, упорни, проактивни, енергични и отворени.
- Сопственици на мачки. Себеси се сметаат за полиберални, но и поневротични од сопствениците на кучиња и уживаат во сарказам и игри со зборови. Можат полесно да издржат поголем стрес и се повеќе интровертни во споредба со сопствениците на кучиња. Сакаат да поминуваат време сами и затоа повеќе сакаат самостојно да работат на проекти отколку тимски. Ним им треба време да ги прифатат новите технологии. Сопствениците на мачки почесто имаат подобри резултати на тестовите за интелигенција.
- Сопственици на риби. Луѓето кои избираат риби за домашни миленици се задоволни личности, посмирени и емотивно постабилни од другите сопственици на миленик.
- Сопственици на морско прасе, хрчак… Луѓето кои чуваат хрчаци и слични глодари, претежно се интровертни и под поголем стрес отколку што покажуваат.
- Сопственици на желки. Рационални, вредни, одговорни и ориентирани кон целта. Ова се само дел од позитивните црти што ги опишуваат сопствениците на желки.
- Сопственици на коњи. Сопствениците на коњи се поодлучни и поактивни од другите сопственици на животни, тие се топли и грижливи луѓе. Ако имате мажјак повеќе сте склони кон агресија и сакате да доминирате кога сте во друштво, а ако имате женка сте поопуштени.
- Сопственици на птици. Луѓето кои имаат птици се сметаат за многу грижливи и љубезни.