Select Page

Зошто боли стомакот после удар во тестиси?

Зошто боли стомакот после удар во тестиси?

Кога ќе добиете удар во скротумот, болката не е само во тестисите туку и во стомакот. Зошто би чувствувале таква болка во регијата над тестисите?

Сето тоа се сведува на биологија. Тестисите се развиваат во абдоменот, во близина на бубрезите. Оттаму, тие се спуштаат кон скротумот. Ова значи дека имате многу чувствителни нервни екстензии што се протегаат од абдоменот до скротумот.

„Кога тестисите се погодени, нервите испраќаат сигнал до горниот дел на стомакот, што предизвикува чувство на болка“, вели д-р Дариус Падух, директор за сексуално здравје и лекови во „Вел Корнел медицина“.

Покрај потребата за одмазда, може да почувствувате вртоглавица, гадење, па дури и повраќање, а може да ги очекувате и сите наведени симптоми.

„Причината е вагусниот рефлекс. Тоа е кога нервниот сигнал патува од тестисите до ‘рбетниот мозок и мозочното стебло и активира центри на гадење и повраќање во мозокот“.

Покрај тоа, кога ќе настојувате да повраќате, ќе го прекинете конфликтот и со тоа ќе спречите ескалација на работите.

Очекувајте да чувствувате болка од 10 до 15 минути. За тоа време, навистина не можете да си олесните – иако мразот малку ќе ја ублажи болката.

Ако имате продолжена болка, гадење, модринки, оток, повраќање или вртоглавица по очекуваните 15 минути – или ако крвавите – посетете уролог или веднаш упатете се во ургентен центар.

Во овие случаи треба да се изврши ултразвук за да се види дали настанало оштетување на тестисите.

Во најлош случај ќе има руптура на тестисите. Ако е така, во рок од 24 часа ќе ви треба операција за да се поправи направената штета. Во спротивно, вашите лекари ќе треба да го отстранат тестисот.

Со руптурата на тестисите имунолошкиот систем ги напаѓа сперматозоидите, кои ќе ги гледа како туѓо тело.

Заклучок: Доколку добиете удар во тестисите и ги чувствувате овие симптоми 15 минути по ударот, веднаш побарајте лекарска помош.

Наши пријатели

Патување низ времето

Follow Us

Почитувани! Не е дозволено копирање на текстови од Прекрасен свет.