Дизниленд во Париз е тематски парк во кој на годишно ниво има 15 милиони посетители. Сепак, сопствениците на паркот не се баш задоволни со бројките и поради тоа решија да го зголемат двојно, да ја зголемат бројката на посетители и да постигнат рекорд. Планот е да се додадат нови 14.700 соби и 5.800 нови атракции. Се планира и изградба на трет дел во паркот во кој би се вложиле дополнителни 1.8 милијарди долари.
Се планира изградба на дел кој ќе биде со тематика од анимираниот филм Фроузен (Frozen), и два дополнителни дела кои ќе бидат со тематика од јунаците на Марвел и Стар Ворс (Star Wars).
“Возбудени сме од можноста за проширување на Дизниленд Париз, новите вложувања и новиот изглед на паркот. Ние сме веќе најпопуларната дестинација во Европа, а замислете што ќе биде кога ќе се прошириме”, изјави Роберт Игер, извршниот директор на компанијата Волт Дизни, во чија сопственост е паркот.
Иако завршувањето на работите се очекува во 2030 година, од паркот изјавуваат дека тематските делови ќе се отвораат дел по дел, а првото отворање се очекува во 2021 година.