Екстремна чоколадна торта

 

Потребни состојки за пандишпанот:

2 чаши шеќер

1 3/4 чаши брашно

1 чаша какао

1 лажичка сода бикарбона

1 1/2 лажичка прашок за печиво

1/2 лажичка сол

2 јајца

1 чаша млеко

1/2 чаша масло (може да се замени со стопен путер)

2 лажички екстракт од ванила

1 чаша зовриена вода

Потребни состојки за филот:

3/4 чаша омекнат путер

1 1/2 чаша какао

4-5 чаши шеќер во прав

2/3 чаша млеко

1 лажичка екстракт од ванила

Начин на подготовка:

Пандишпан:

  1. Пуштете ја рерната да се загрева на 175 степени Целзиусови. Намастете и набрашнете две тавчиња (или калапи за торта) од 22 см (по можност округли), и врз брашното ставете хартија за печење (за полесно да се извади испечениот пандишпан).
  2. Во подлабок сад ставете ги состојките за пандишпанот: шеќерот, брашното, какаото, содата, прашокот за печиво и солта. Измешајте ги да се изедначат.
  3. Додајте ги млекото, јајцата, маслото и ванилата и матете со мискер околу 3 минути. Полека додавајте ја зовриената вода додека матите со мискер. Смесата за пандишпан распоредете ја подеднакво во двата калапи за печење.
  4. Печете 30-35 минути и пробајте дали е пандишпанот испечен со дрвена чепкалка за заби. Пред да ги извадите пандишпаните од калапите, оставете ги да се ладат околу 20 минути. Потоа превртете го калапот наопаку и многу внимателно одвојте го пандишпанот од калапот и од хартијата за печење.

Фил:

  1. Во длабок сад матете го путерот додека стане пенест. Додајте ги шеќерот и какаото, измешајте да се изедначи филот, потоа додајте ги млекото и ванилата и повторно измешајте да добиете мазна конзистенција.
  2. Двата пандишпани пресечете ги хоризонтално на два или на три дела (да добиете вкупно 4 или 6). Исфилувајте го секој слој пандишпан еден врз друг и потоа покријте ја целата торта со филот. По желба, декорирајте со какао во прав, шлаг, овошје или чоколадни трошки.

На здравје!

 

Забрането е копирање на текстот!