Доаѓа зимата и почнуваат проблемите со замрзнати стакла на автомобилите. Мора да се гребат, да се загреваат, да се губи време наутро кога е ладно.
Сепак, со помош на неколку средства што ги имаме и дома, може многу да си ја олесниме ситуацијата. Може да си направиме магичен спреј за одмрзнување на замрзнати автостакла.
За да го подготвите овој спреј, потребно е:
- пластично шише од 1 литар со прскалка
- 200 мл вода
- 600 мл чист алкохол
- 3 лажички течно средство за миење садови
Сите течности ставете ги во шишето со прскалка и силно протресете го шишето за да се измешаат состојките.
Употреба:
Испрскајте ги замрзнатите стакла со подготвената течност и оставете краток период да делува. Потоа лесно со стругалката за мраз отстранете го остатокот од мразот од стаклото.
Мешавината на алкохол и вода брзо го топи мразот, а средството за миење на садови ги омекнува гумичките на бришачите.