Спорт

Две нови појачувања во Вардар пред дуелот со Железничар

Актуелниот првак во СЕХА лигата, Вардар, утре го игра дуелот со дебитантот во лигата Железничар од Ниш. Ќе ги вкрстат копјата со тимот на поранешниот тренер на Вардар, Веселин Вујовиќ.

Очекувам подобра игра за разлика од првиот натпревар со Металург, а воедно ни се ближи и почетокот од Лигата на шампионите. Ситуацијата со Игор Карачиќ и со Вуко Борозан е поинаква и доколку денеска добијат дозвола можно е утре да настапат со Железничар, изјави на денешниот прес тренерот на Вардар Роберто Гарсија Парондо.

Веселин Вујовиќ има посебна емотивна врска со Скопје. Врска со играчите на теренот, но и со гледачите на трибините.

Екипа која е предводена од Вујовиќ во Скопје секогаш знае да биде интересна. На тие натпревари мора да сме максимало мотивирани. Треба да покажеме добра игра, напредок во формата и да го одиграме најдоброто од нас во моментов, истакна Тимур Дибиров.

Во првиот дуел од СЕХА лигата Вардар го совлада Металург со 34:28, а Железничар загуби дома од Војводина со 27:20.

Утрешниот дуел се игра во СЦ „Јане Сандански“, со почеток во 20:15 часот.

Слични написи

Причината поради која Герет Бејл не е миленик на Мадрид

Biba

Ќе успее ли Енери да ја прекине црната серија на Арсенал?

Biba

Сари стана првиот италијански тренер кој се пласирал во финалето на Европската лига

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.