Гастрономија

Дали печурките треба да се измијат пред готвењето?

Секогаш се вели дека овошјето и зеленчукот треба да ги миеме пред да ги консумираме, но дали има исклучоци? Да се мијат печурките или не, е честа дилема на многумина.

Печурките често имаат видлива нечистотија на себе, па сигурно првата мисла може да биде дека треба да се измијат. Сепак, готвачите отсекогаш биле поделени околу тоа дали да ги мијат или не печурките. Нема точен одговор, па дури и зависи од вашите преференции.

Во кулинарските училишта миењето печурки под млаз вода се смета за грев. Имено, во кулинарските училишта, претежно младите готвачи се учат да користат влажен бришач од хартија и нежно да ја бришат сета нечистотија од печурките. Миењето на печурките се смета за лошо бидејќи печурките можат да апсорбираат вода и повеќе нема да можете да ја постигнете саканата боја што ги прави толку вкусни.

Сепак, високо признатиот автор Харолд Мекги во својата книга од 1990 година „Љубопитен готвач: повеќе кујнска наука и знаење“ преку експеримент на миење и натопување на печурките откри дека водата едвај се апсорбира во печурките. Тоа значи дека не е толку грев да се измијат.

Дали треба да ги миете печурките?

Без разлика на различните мислења за тоа како да се отстрани нечистотијата од печурките, несомнено е важно да се исчистат пред готвење, на еден или друг начин. Зеленчукот понекогаш може да има бактерии кои можат да доведат до болести, па затоа е важно да се исчистат.

Имено, нивната форма овозможува нечистотија да се вовлекува во пукнатините, особено во поголемите. Кога станува збор за свежи печурки, најдобро е прво добро да ги протресете во хартиена кеса за да ја отстраните целата нечистотија. Потоа, непосредно пред готвењето, истурете ги во сад со ладна вода со неколку лажици сол, за да се отстрани повеќе нечистотија. Веднаш наредете ги на салфетка и добро исушете ги. Исто така, поради нивната уникатна форма, водата е поверојатно да навлезе внатре, затоа не го прескокнувајте чекорот на сушење.

Можеби ќе ве интересира

Пушен бакалар со рижото и праз

Biba

Супербрза мексиканска чорба со пилешко месо

Biba

Салата од спанаќ со прелив од афион

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.