Гулаш во рерна

Кликнете на копчето "Сподели" и другите да го прочитаат написот.
  •  
  •  

Потребни состојки:

500-600 гр телешко месо

2 главици ситно насецкан кромид

200 мл доматно пире

250 мл говедски бујон

1 ситно исецкан патлиџан

2-3 чешниња ситно насецкан лук

2 ловорови листа

1 црвена пиперка исечена на тркалца

1 ситно насецкан морков

2-3 компири исецкани покрупно

сол, бибер, магдонос и зачини по вкус

Начин на подготовка:

Лукот и кромидот пропржете ги во тава со масло додека лукот да пушти мирис а кромидот да омекне. Потоа додајте го месото исецкано на парчиња, зачинете го со сол и со бибер и кратко пропржете го. Во месото ставете го доматното пире, додајте ги патлиџанот, морковот, говедскиот бујон и ловоровиот лист, и оставете сè заедно да зоврие. Потоа додајте ги компирот и пиперката и ставете го гулашот во огноотпорен сад да се пече во рерна загреана на 180 степени Целзиусови околу еден час. Ако ви е смесата многу сува и густа, пред печењето може да додадете вода колку да се покријат сите состојки. Послужете го јадењето додека е топло и декорирајте го со насецкан магдонос. На здравје!