Гледањето реклами ги дебелее децата

Кликнете на копчето "Сподели" и другите да го прочитаат написот.
  •  
  •  

Децата кои редовно поминуваат долго време пред телевизорот се склони кон дебелина и со самото тоа што не се движат доволно.

Истражување спроведено на Универзитетот Беркли докажува дека и програмата која ја гледаат децата влијае на нивните прехранбени навики, како и тоа дека рекламите се директно поврзани со детската дебелина.

Истражувачите ги набљудувале животните навики на 3500 деца на возраст под 12 години. Била следена нивната килажа, времето поминато во движење, во какви околности живеат и што гледаат на телевизија.

Резултатите покажале дека децата кои највеќе биле изложени на реклами, имале и највисок индекс на телесна маса (индекс кој ја покажува килажата во однос на висината), додека гледањето филмови и цртани без реклами (на пр. на двд), немало влијание на нивната телесна тежина.

Околу 30% од прехранбените производи кои редовно се рекламираат на тв екраните се проблематични за децата, а огласувачите на реклами неретко апелираат токму на децата и така кај нив создаваат потреба за јадење благо и други нездрави намирници.