Во Формула 1 се враќа Роберт Кубица

Кликнете на копчето "Сподели" и другите да го прочитаат написот.
  •  
  •  

По 8 години пауза заради закрепнување од страшната несреќа што ја доживеа Роберт Кубица на почетокот на сезоната во 2011 година, од наредната 2019 година ќе седне во болидот на Вилијамс.

Таа 2011 година на трката во Италија, при судар, заштитната ограда го проби болидот на Рено во кој беше Кубица и му нанесе сериозни повреди опасни по живот.

Помина долг период на закрепнување и бестрашниот возач се врати на патеката, но како рели возач. Три години настапуваше на Светскиот рели шампионат, а минатата зима направи неколку тест возења за Вилијамс во Формула 1 заедно со рускиот возач Сергеј Сироткин.

Иако на почетокот од Вилијамс болидот му го дадоа на рускиот возач, поради слабите резултати сепак решија да го вратат Кубица на патеката.

До моментот на несреќата Кубица извозе 76 трки за Рено и Заубер со кои дојде до една победа, а 12 пати беше дел од победничкиот пиедестал.