Наука

Во Египет е откриена мумија од свештеник стара 2500 години

 

На локација на древни гробови јужно од Каиро е откриена нова гробница во која бил закопан свештеник. Според испитувањата, мумијата што била пронајдена во гробницата е стара 2500 години.

Египтологот Захи Хавас и неговиот египетски тим откриле 3 запечатени саркофага од 26-тата династија.

Во еден од саркофазите имало добро зачувана мумија на високорангиран египетски свештеник, замотана во платно и украсена со златна фигура на египетската божица Изис.

Тимот ги отворил и останатите два саркофага, во кои имало мумија на жена украсена со сини монистри, а третиот саркофаг содржел мумија на постар човек за кој се смета дека е таткото на семејството во семејната гробница.

Откритието е објавено на Дискавери каналот.

Во гробница во провинцијата Минја откриена е и глава од восок.

“Никогаш не сум открил вакво нешто на локација од доцниот период”, изјави Хавас.

Тимот на археолози ја откри оваа локација пред една ипол година, и сè уште трае ископувањето.

“Мислам дека на оваа локација ѝ е потребно уште 50 години ископување за комплетно да се истражи”, рече Хавас за Ројтерс.

На оваа локација во 1927 година откриен е голем саркофаг од варовник кој е изложен во Музејот во Каиро.

 

Related posts

Ќе се редефинира дефиницијата за мерката за маса – килограм

admin

Зошто да се опкружите со повеќе книги отколку што некогаш ќе имате време да прочитате

Biba

Град во Австралија на генијален начин се бори со загадувањето на водите

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.