Вистината за тоа зошто жените стенкаат додека имаат секс

 

Стенкањето на жените додека имаат сексуален однос, како непишано правило би требало да значи дека жените уживаат во тој момент, но тоа не е секогаш така.

Во истражување спроведено на Универзитетот во Ланкашир, кое требало да се утврди дали секогаш стенкањето за време на секс означува дека партнерот исправно “си ја врши работата” и дека жените во тој момент уживаат, се добиле податоци кои баш и не ја потврдуваат тезата. 66 % од испитаничките изјавиле дека стенкаат за да го забрзаат оргазмот на партнерот, а 87 % од нив рекле дека со стенкањето се чувствувале посексапилно.

Истражувањето, исто така, им укажало на научниците дека женските оргазми најчесто се постигнуваат за време на предиграта, додека стенкањето се користи пред и за време на машкиот оргазам.

Не постојат многу истражувања на оваа тема, но константно сме бомбардирани со изјави дека стенкањето е знак дека жената ужива, дека е поврзано со оргазмот и со добриот секс.

“Ако стенкате, му давате до знаење на партнерот дека сè што прави во моментот е добро, а тоа секогаш не е така. Затоа треба да се користи стенкањето кога вистински се ужива во сексот, за да не му давате погрешни сигнали на вашиот партнер”, вели Кристен Марк од Универзитетот во Индијана.

 

Забрането е копирање на текстот!