Потребни состојки:
280 г саморастечко брашно
380 г јогурт
Ако немате саморастечко брашно, можете да го направите на следниот начин: во длабок сад измешајте обично брашно со 1 лажичка прашок за печиво, 1 лажичка сода бикарбона и добро измешајте.
Начин на подготовка:
- Во сувите состојки сипете го јогуртот и измешајте да добиете еднолична смеса. Со лажица или шприц дозирајте мали топчиња од смесата во врело масло.
- Кога ќе добијат златножолта боја крофните се испржени. Префрлете ги на салфетка за да се впие вишокот маснотии, а потоа посипете ги со шеќер во прав.
- Пред сервирање може да ги украсите со чоколаден или овошен прелив, карамел, мармалад или друг додаток по ваш вкус.
На здравје!
