Најмоќниот Бентли до сега што може да се користи на јавни патишта се напојува со 6-литарски W12 мотор кој развива 660 КС и 900 Nm вртежен момент.
Бентли допрва треба да ја објави цената на Continental GT Speed, но тие со гордост истакнуваат дека нивниот последен четирисед е најмоќниот модел на патот во историјата на компанија која веќе го прослави својот 101 роденден.
Со најновото „масирање“ на 6-литарскиот мотор W12 потпомогнато од два турбо полначи, идните сопственици на најновиот „британски разурнувач“ можат да сметаат на 660 коњски сили и 900 Nm максимален вртежен момент, кој се дистрибуира на двете оски со помош на калибриран 8- брзински автоматски менувач со две спојки.
Со дополнителни 25 коњски сили (во споредба со стандардниот Conti GT), ултра луксузното купе на Бентли од 0 до 100 km/h пристигнува за 3,6 секунди и развива 335 km/h, што е извонреден резултат за автомобил долг 4,85 метри со тежина од 2.273 килограми.
Фотографиите од ентериерот на автомобил монтиран на ексклузивни тркала од 22 инчи зборуваат погласно од сите зборови.
