I.D. Roomzz не е единствениот електричен автомобил од концернот VAG на Саемот на автомобили во Шангај. Audi се приклучи со свој концепт на градски електричен автомобил со назив AI:ME.
Концептот го прикажува футуристичкиот изглед на моделот А2.
Овој концепт може да се смета за луксузна верзија на моделите I.D. или el-Born на Wolksvagen и Seat и ја користи истата MEB технологија за комплетно електрични возила.
Го придвижува електричен мотор поставен на задните тркала кој испорачува 160 коњски сили, а од Audi велат дека е доволен само дел од силата за возење во градски услови.
Од Audi изјавуваат дека AI:ME е развиен за урбана околина и дека продукциската верзија ќе се движи со брзина од 20-70 km/h на кратки растојанија. Наведено е дека батеријата со моќност од 65 kw/h е идеална за овој модел, но автономијата со таа батерија не е наведена.
Како што може да се очекува од концепт, дизајнот на автомобилот е футуристички.
