“Beautiful People” е новиот хит на светската сцена создаден во соработка на британската музичка ѕвезда Ед Ширан и американскиот рапер Калид, а ќе го има и на новиот албум на Ширан “No.6 Collaboration”, кој треба да се појави на 12 јули оваа година.
Песната зборува за тоа дека секоја личност треба да е верна самата на себе и дека не треба да е опседната со изгледот и со материјалното.
На новиот албум на Ед Ширан ќе се најдат 15 песни кои се создадени во соработка со 22 музички гости како Еминем, Бруно Марс, Карди Б, Калид.