Крилниот фудбалер на Баерн Франк Рибери, после 12 години поминати во клубот реши да замине на крајот од сезоната.
Рибери го напушта клубот со кој освои 20 трофеи и се докажа како најопасниот крилен фудбалер на светот. Во 422 натпревари, Рибери постигна 123 голови.
Во интервју за официјалната страна на клубот, Рибери ги откри своите планови за заминување.
“Во Баерн бев 12 години, тоа беше убав период за мене и за моето семејство. Тука сум уште 3 недели и не сакам да размислувам што ќе се случува после тоа. Сакам да продолжам да доаѓам на теренот и да се дружам и уживам со соиграчите. Немам конкретни планови за следната сезона, не сум сигурен каде ќе играм, но ќе ја продолжам кариерата”, изјави Рибери.
Со Баерн, Рибери има шанса да освои уште 2 трофеја оваа сезона: титулата првак на Бундеслигата и DFB купот.