Гастрономија

Орзото со зеленчук

 

Потребни состојки:

2 лажици маслиново масло

4 стебленца млад кромид, исечкани на тркалца

2 чешниња ситно исечкан лук

2 чаши тестенина орзо

1/2 лажичка сол

1/4 лажичка бибер

6 чаши топол бујон од зеленчук

220 г аспарагус, исчистен и исечен на парчиња долги 5-6 см

половина китка брокула, исечена на парчиња долги 5-6 см

2 помали тиквички, исчистени и исечени по должина на четвртинки долги 5-6 см

140 г смрзнат грашок

1/2 чаша исечкан кељ

1/2 чаша рендан пармезан

ситно изрендана кора од 1 лимон

1/4 чаша ситно исечкан магдонос

1/4 чаша ситно исечкан босилек

Овие состојки се доволни за 6 порции.

Начин на подготовка:

  1. Во длабока тава на средна температура ставете го маслиново масло. Кога ќе се загрее ставете го младиот кромид и пржете го околу 1 минута. Додајте го лукот и пржете уште 30 секунди.
  2. Додајте го орзотото и мешајте сè заедно околу 1-2 минути. Додајте го топлиот бујон, нежно измешајте и оставете го да зоврие.
  3. Оваа смеса нека врие 5 минути, потоа во неа додајте ги аспарагусот, брокулата, тиквичките и грашокот. Измешајте и оставете да врие околу 2 минути. Потоа додајте го кељот, пармезанот и кората од лимон. Измешајте убаво и оставете сè да се вари уште 2 минути.
  4. На крај додајте ги босилекот и магдоносот. Вака подготвеното орзото сервирајте го додека е топло, декорирано со рендан пармезан и свеж исечкан магдонос и босилек.

На здравје!

 

 

Слични написи

Превкусни мафини со Нутела

admin

Нискокалоричен чипс од краставици печен во рерна

Biba

Чоколадни обланди

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.