Новак Ѓоковиќ вечерва е по четврти пат прогласен за најдобар спортист на светот и ја доби наградата Лауреус.
Конкуренција му беа Лука Модриќ, ЛеБрон Џејмс, Килиан Мбапе и Луис Хамилтон.
“Нелсон Мандела убаво рекол дека спортот говори со универзален јазик и дека има моќ да го смени животот на многу млади луѓе. Фондацијата Лауреус го прави токму тоа. Ги отстрануваат препреките со кои се сретнуваат младите луѓе и им помагаат да се снајдат и да го најдат своето место во спортот. Заради тоа многу млади луѓе се пронаоѓаат во спортот и можат да се поистоветат со борбата на своите спортски херои”, изјави Ѓоковиќ на црвениот килим пред доделувањето на наградата.
Новак ја освои оваа награда и во 2012, 2015 и 2016 година.