Попладневната дремка или краткиот одмор во некои земји е знак за мрзеливост, додека во други, како на пример Јапонија – е знак за посветеност во работата. Она што е сигурно е дека на сите некогаш ни треба одмор од напорните обврски, а научниците тврдат дека откриле колку минути одмор е потребен за да им се вратите на обврските свежи и енергични.
10 – 20 минути
Според нив, попладневното дремење во траење од 10 до 20 минути ги убрзува рефлексите, го подигнува нивото на енергија и ги избиструва мислите. Тие препорачуваат спиење најмногу 20 минути, затоа што сè што е повеќе од тоа се смета за длабоко спиење.
30 минути
Тешко е да се разбудите од сон по 30 минути, но бенефитот што ќе го добиете е вреден за тоа. Триесетминутен сон го подобрува памтењето, го намалува стресот, ја зголемува концентрацијата, го намалува ризикот од дијабетес, па дури и ризикот од деменција. Научниците тврдат дека по секои 7 будни часови, потребни ни се 30 минути спиење.
60 минути
Сон од 60 минути се смета за длабок сон и ова е веројатно совршено време за спиење за повеќето луѓе, затоа што имаат доволно време да се одморат, да го растоварат мозокот и да го подобрат неговото функционирање. Спиењето од еден час помага во борбата против фрустрација. Меѓутоа, ако е вашето тело премногу уморно, сон од 60 минути може само да ја влоши состојбата и да се разбудите поуморни од пред тоа. Ова се случува заради тоа што за 60 минути телото ќе влезе во фаза на длабок сон и кога ќе се навикне, вие нагло го будите.
90 минути
Со спиење од 90 минути поминуваме низ плитки и длабоки фази на спиење, и ова е, според експертите, совршено за сите луѓе бидејќи му помага и на психичкото и на физичкото здравје, ја подобрува меморијата и креативноста. А најдобро е тоа што после 90 минути спиење нема да се разбудите нервозни.