Потребни состојки:
1/4 чаша маслиново масло
400-500 г колбаси
2 насечкани пиперки
2 главици насечкан кромид
4 чешниња насечкан лук
1 лажичка сол
1 лажичка црн бибер
1/2 лажичка оригано
1 лажица насечкан свеж босилек
2 лажици доматно пире
1 чаша суво вино
2-3 насечкани патлиџани
Начин на подготовка:
- Во подлабоко тавче на средна температура пржете ги колбасите додека да потемнат од двете страни, околу 7-10 минути. Потоа извадете ги од тавчето и исцедете ги од маснотијата.
- Вратете го тавчето на шпорет на средна температура и ставете ги во него пиперките, кромидот, солта и црниот бибер. Гответе ги додека да омекнат пиперките и кромидот, околу 5 минути.
- Додајте го ориганото, босилекот и лукот, и гответе уште две минути.
- Потоа додајте го доматното пире и измешајте. Додајте ги виното и патлиџаните и мешајте додека смесата почне да се динста.
- Колбасите пресечете ги на парчиња по ваша желба и ставете ги во тавчето. Гответе додека да се згусне сосот, околу 20 минути. Потоа тргнете ја тавата од шпорет и послужете го јадењето додека е топло класично во чинии или може со него да направите топли сендвичи.
На здравје!
