Здравје

Зошто е важно да се пие вода пред, за време и после тренинг

 

Една изрека вели: “Да се вежба без водa е како да се патува без гориво”.

Дека е точна изреката покажуваат бројни истражувања. Телото треба редовно да се хидрира пред и за време на вежбањето, но и после вежбањето. Експертите објаснуваат зошто е тоа толку битно.

Хидратацијата ја одредува ефективностa

Истражувањата откриваат дека дехидрираноста за време на вежбањето може да ја намали јачината за 2 %, силата за 3 %, а издржливоста за дури 10 %. Правило е да се испие барем 250 мл вода 30 минути пред да почнете да вежбате.

 

 

Водата е најдобриот пријател

Многумина одбираат спортски напитоци богати со електролити или протеински шејкови, но експертите сметаат дека водата е она што на телото му е потребно при вежбање.

Всушност, телото се состои од 50 % вода која помага при регулирање на температурата и циркулацијата. За време на телесните вежби нормално е да се осети блага дехидрираност, бидејќи телото со потење исфрла течност, и затоа водата треба да ви е секогаш на дофат.

Заради тоа добро е да се набави термос кој ќе ја одржува водата ладна. Научниците велат дека ладната вода значително го одложува покачувањето на телесната температура. Исто така, значително ја намалува телесната температура при телесни вежби и ја зголемува издржливоста.

Течноста значи брзо закрепнување

После физичките вежби важно е да ја надополниме изгубената течност од телото. Со пиење на вода се намалува брзината на отчукувања на срцето и се регулира телесната температура.

После вежбањето течноста и понатаму се губи со потење и мокрење, па затоа е потребно да се внесе минимално 250 мл вода во временски период од 30 минути по завршувањето на тренингот.

 

Слични написи

Работењето во смени е опасно за здравјето

Biba

Причини зошто ви доцни менструацијата, а не е поврзано со бременост

dart

Колку долго се задржува алкохолот во организмот

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.