Истражувачите неодамна дојдоа до заклучок дека за мажите бакнувањето со друга жена не значи изневерување.
Поимот изневерување има различно значење за различни луѓе. За некои е доволно флертување или кокетна смс порака, додека пак други имаат многу полиберален пристап и за валидни ги сметаат само најизразените облици на изневерување, како што е интимен однос со некој друг.
Според новото истражување кое го спровеле од BBC Radio 5 Live, во кое учествувале 2066 возрасни Британци, половина од мажите спаѓаат во втората категорија. За разлика од нив, 73 % од жените сметаат дека бакнувањето со друга жена е изневерување.
Слична е ситуацијата и со интернет сексот. Половина од мажите сметаат дека тоа не треба да се смета за изневерување, а 75 % од жените сајбер сексот го сметаат за изневерување.
Експертот за врски Џејмс Прајс сугерира дека резултатите можеби се одраз на различните сфаќања за интимноста на мажите и на жените.
“Меѓутоа, без оглед на полот, ако се бакнувате со друга личност и не го сметате тоа за изневерување, тоа укажува на недостаток на основно почитување за вашиот партнер и воопшто за врската”, смета тој. “Ако не се грижите за вашите постапки или за реакцијата на вашиот партнер, тогаш сте со погрешна личност”, додава Прајс.
Исто така, 47 % од испитаниците (и мажи и жени) изјавиле дека сексуалното образование во училиштето не ги информирало доволно и не ги подготвило за сексуалниот живот.